BB: Ekonomia e Azisë Lindore, rënie me 5% – Lufta në Ukrainë, inflacioni, paqëndrueshmëria mund ta përkeqësojnë situatën
Banka Botërore uli parashikimin e Prodhimit të Brendshëm Bruto për Azinë Lindore për vitin 2022, duke reflektuar ndikimin ekonomik të pushtimit Rus të Ukrainës, duke paralajmëruar se rajoni mund të humbasë më shumë vrullin nëse kushtet përkeqësohen.
Sipas raportit, huadhënësi me bazë në Uashington priste që rritja e vitit 2022 për rajonin në zhvillim të Azisë Lindore dhe rajonin e Paqësorit (EAP), përfshirë Kinën, është 5%, nga 5.4% që ishte parashikuar në Tetor.
Por rritja mund të ngadalësohet në 4% nëse kushtet përkeqësohen dhe politikat e qeverive janë më të dobëta, deklaron Banka Botërore, duke shtuar se rajoni përballet me një treshe goditjesh që kërcënojnë perspektivën e rritjes.
Lufta mes Rusisë dhe Ukrainës është rreziku më serioz për perspektivën e rritjes së rajonit, pasi çon në rritje të çmimeve të ushqimeve dhe karburanteve, paqëndrueshmëri financiare dhe ulje të besimit në të gjithë botën, thekson Banka Botërore.
Ndikimi i luftës në ekonomitë e vendeve të Azisë Lindore dhe rajonit të Paqësorit do të ndryshojë në varësi të ekspozimit dhe qëndrimit të tyre. Duke përjashtuar Kinën, parashikimi për prodhimin parashikohet të rritet me 4.8% këtë vit.
Blerta Lata / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.