BE, 105 milionë euro për financimin e 7 programeve – Fino: Programe për Konkurrencën e lirë, SPAK, ONM, Kadastrën dhe efektet e Pandemisë
Është miratuar të premten Projektligji për “Për ratifikimin e marrëveshjes së financimit, ndërmjet Republikës së Shqipërisë dhe Komisionit të Bashkimit Europian, në lidhje me Programin Vjetor të Veprimit për Shqipërinë për vitin 2020 në kuadër të instrumentit të asistencës së paraanëtarësimit (IPA II)”.
Zëvendësministrja e Punëve të Jashtme shpjegoi se Marrëveshja parashikon një fond prej 105 milionë eurosh për financimin e 7 projekteve, që nisin nga rritja e konkurrueshmërisë së bizneseve, te programe për SPAK, ONM-në, reformën kadastrale apo zbutjen e efekteve të pandemisë në Ekonomi.
Miratimi i Draftit u shoqërua me debate në Komisionin Parlamentar të Ligjeve, ku deputetët e opozitës kërkuan të dhëna mbi rezultatet e projekteve të deritanishme të financuara nga Bashkimi Evropian.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.