BE, çështje gjyqësore kundër Britanisë – Von der Leyen: Ligji i ri në Londër shkel detyrimet e traktatit të divorcit
Bashkimi Europian ka ngritur një çështje gjyqësore kundër Britanisë mbi “Ligjin e tregut të Brendshëm” që ndërpren disa angazhime të mëparshme ligjore të Londrës nën traktatin e divorcit. Presidentja e Komisionit Evropian, Ursula von der Leyen, tha se ligji përbën një shkelje të detyrimeve të rëna dakord në marrëveshjen e divorcit dhe bie ndesh me protokollin e Irlandës së Veriut.
Ky ligj përbën një shkelje të detyrimeve të rëna dakord në marrëveshjen e divoricit. Për më tepër, nëse ligji miratohet, do të bjerë ndesh me protokollin e Irlandës së Veriut. Afati i heqjs së ligjit përfundoi ditën e djeshme, e për rrjedhojë, Komisioni ka vendosur të dërgojë një letër tek qeveria britanike. Ky është hapi i parë i procedurës së shkeljes së detyrimeve.
Tërheqja nga detyrimet e rëna dakord mund të sjellë gjoba nga Gjykata e Lartë e BE, por kjo do të kërkojë vite, duke i lënë kohë Britanisë që të ndryshojë. Londra zyrtare ka tashmë një muaj kohë për t’i kthyer përgjigje letrës së komisionit, që do të vlerësojë nëse përgjigja është e kënaqshme apo jo. Nëse kjo dështon, Komisioni mund ta padisë tek Gjykata Europiane e Drejtësisë. Vendimi vjen ndërkohë që negociatorët britanikë dhe europiane po hasin vështirësi në bisedimet tregtare për çështje si ndihmat shtetërore.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.