BE “e gatshme të diskutojë” heqjen e mbrojtjes së pronës intelektuale mbi vaksinat – Kjo do të lejojë më shumë kompani prodhuese
BE është “e gatshme të diskutojë” heqjen e mbrojtjes së pronës intelektuale mbi vaksinat COVID-19, tha të enjten Ursula von der Leyen, pasi SHBA tha se mbështeste idenë.
Më shumë se 100 vende kanë kërkuar që të hiqen të drejtat e IP për vaksinat dhe trajtimet e koronavirusit në mënyrë që të përshpejtohet prodhimi i dozave.
SHBA të Mërkurën tha se po mbështeste planet për atë që në thelb është heqja dorë nga patentat, mes bisedimeve të Organizatës Botërore të Tregtisë (OBT) për këtë çështje.
Presidentja e Komisionit Europian von der Leyen tha se blloku do të diskutojë “çdo propozim që do të trajtojë krizën në një mënyrë efektive dhe pragmatike”.
Gjatë bisedimeve të OBT-së, Përfaqësuesi i Tregtisë i SHBA Katherine Tai tha se administrata e Biden “beson fuqimisht në mbrojtjen e pronës intelektuale, por në shërbim të përfundimit të kësaj pandemie, mbështet heqjen dorë nga ato mbrojtje për vaksinat COVID-19”.
Heqja dorë e përkohshme nga të drejtat e IP do të lejojë më shumë prodhues të prodhojnë vaksinat. (EN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.