BE futet në betejën e Shqipërisë me COVID-19, Ambasadori: 35 milionë euro për rimëkëmbjen ekonomike, 4 milionë për pajisje, 11 milionë për mbrojtjen sociale
Bashkimi Europian i është bashkuar Shqipërisë në luftën kundër coronavirusit, duke i akorduar 50 milionë euro në total.
Ambasadori i BE-së për Shqipërinë, Luigi Soreca ka njoftuar se 35 milionë euro do të shkojnë për rimëkëmbjen ekonomike, ndërsa 4 milionë euro për pajisje. Nga ana tjetër, për mbrojtjen sociale do të vihet në dispozicion shuma 11 milionë euro.
“I lumtur të njoftoj ndihmën konkrete të BE-së. Bashkimi Europian është gjithmonë me Shqipërinë në kohë nevoje. Jemi gjithmonë me Shqipërinë” shkruan më tej ambasadori Soreca.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.