BE kërkon fonde për ‘politikë më të fortë mbrojtjeje’ mes kërcënimit të koronavirusit
Nga ndërtimi i spitaleve deri tek transportimi i pajisjeve mjekësore, shërbimet e mbrojtjes kanë qenë thelbësore në luftimin e shpërthimit të koronavirusit, por bashkëpunimi është thelbësor për këto përpjekje për të dhënë fryte.
BE ka krijuar një “task forcë” për të mobilizuar ushtritë kombëtare për të transportuar pacientë dhe pajisje mjekësore nga një vend në tjetrin brenda bllokut.
Ministrat e mbrojtjes të BE u takuan për të vlerësuar aftësinë e vazhdueshme të bllokut për t’iu përgjigjur pandemisë.
Qëllimi përfundimtar i bashkëpunimit mbrojtës është forcimi i rezistencës së BE-së ndaj sëmundjeve infektive, madje edhe në rastin e një sulmi biologjik hipotetik. Kjo do të kërkojë fonde nga buxheti i ardhshëm i BE-së.
“Shpresoj se në këtë skenar, burimet e alokuara për politikën e mbrojtjes dhe të sigurisë nuk do të zvogëlohen, sepse koronavirusi ka sjellë një kërcënim të ri dhe kërkon një politikë më të fortë mbrojtjeje dhe të sigurisë, një Europë më të fortë në botë”, është shprehur Josep Borrell, z. Shefi i punëve të jashtme të BE-së për Euroneës.
Përtej mbrojtjes, qasja e lehtë për ilaçe dhe pajisje mjekësore është thelbësore për sigurinë, pasi zinxhirët e furnizimit mund të ndërpriten lehtësisht.
Europa duhet të rrisë kapacitetin e prodhimit dhe ruajtjes së produkteve thelbësore mjekësore. Brukseli ka kërkuar ta bëjë këtë përmes urdhrave të përbashkëta të prokurimit.
“Shkalla e globalizimit që ne kemi në këtë moment me zinxhirin e ofrimit ndërkombëtar, për shembull, 90 përqind e maskave prodhohen në Kinë, është diçka që duhet të rishqyrtojmë”, tha deputetja gjermane Hannah Neumann.
Ajo shton se duhet të shohim se cilat industri janë vendimtare për Europën, në rast se zinxhiri global i furnizimit prishet, për të siguruar që Europa nuk është aq e prekshme në të ardhmen. (euronews)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.