BE ndryshon planin e sanksioneve ndaj naftës ruse në përpjekje për të fituar mbi shtetet hezituese!

Komisioni Europian ka propozuar ndryshime në embargon e planifikuar ndaj naftës ruse në një përpjekje për të fituar mbi shtetet hezituese, thanë tre burime të BE-së për Reuters të premten. Propozimi i modifikuar, të cilin të dërguarit e BE-së po diskutonin në një takim të premten në mëngjes, përfshin dhënien e më shumë kohë Hungarisë, Sllovakisë dhe Republikës Çeke për t’iu përshtatur embargos dhe ndihmë në përmirësimin e infrastrukturës së tyre të naftës, thanë burimet.

Ai gjithashtu përfshin një tranzicion tre mujor përpara se të ndalojë shërbimet e anijeve të BE-së nga transportimi i naftës ruse, në vend të një muaji fillestar, shtoi një nga burimet. Të gjithë folën me kusht anonimiteti. Ekzekutivi i Bashkimit Europian propozoi embargon e naftës të mërkurën si pjesë e një pakete më të gjerë të sanksioneve të BE-së ndaj Rusisë – e gjashta që kur Moska pushtoi Ukrainën më 24 shkurt në atë që Kremlini e quan “një operacion ushtarak special”.

Sipas ndryshimeve, Hungaria dhe Sllovakia do të jenë në gjendje të blejnë naftë ruse nga tubacionet deri në fund të vitit 2024, dhe Republika Çeke mund të vazhdojë deri në qershor 2024, nëse nuk merr naftë përmes një tubacioni nga Europa Jugore më herët, thanë burimet.

Sipas propozimit origjinal, shumica e vendeve të BE-së do të duhet të ndalojnë blerjen e naftës së papërpunuar ruse gjashtë muaj pas miratimit të masave dhe të ndalojnë importet e produkteve të naftës të rafinuar nga Rusia deri në fund të vitit. Hungarisë dhe Sllovakisë fillimisht iu dha afat deri në fund të vitit 2023 për t’u përshtatur.

Zgjatja e propozuar e periudhës për të futur një ndalim transporti për kompanitë e BE-së për të transportuar naftën ruse në mbarë botën ka për qëllim të adresojë shqetësimet e ngritura nga Greqia, Malta dhe Qiproja rreth ndikimit të masës në kompanitë e tyre të transportit, tha një zyrtar. RTS

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.