BE, pranë një certifikate të vaksinës / Spanjollët janë skeptik, pavarësisht rëndësisë tek sektori i turizmit

Komisioni Evropian pritet të propozojë një certifikatë digjitale në rang të Bashkimit Evropian, që ofron vërtetim të vaksinimit ndaj Covid-19, çka mund të lejojë udhëtimin e lirshëm gjatë Verës.  BE do prezantojë këtë javë propozimin për “Kalimin e Gjelbër Dixhital”, një dokument që pritet të vërtetojë që një person është vaksinuar dhe që tregon detaje të testeve ndaj koronavirusit, në përpjekje për të rimëkëmbur lëvizjen në vendet e zonës Schengen.

Ndërsa pyeteshin mbi këtë propozim, disa spanjollë ishin skeptik mbi vendosjen e certifikatës, pavarësisht se mund të nxisë sektorë kyç në vend, si turizmi.  “Nëse nuk jam vaksinuar, kush janë ata që të më detyrojnë mua të mos udhëtoj, kur unë mund të bëj një test PCR”- tha Azuzona Gonzalez, banore në Gran Canaria, një nga vendet më të nxehta të turizmit në Spanjë.

Megjithatë, për sektorin e mikpritjes, pasaporta e gjelbër dhe rikthimi i udhëtimit  është jetësor për të luftuar krizën ekonomike të shkaktuar nga pandemia.  “Kjo do lejojë këdo në BE që të na vizitojë nën kushte të sigurisë, duke e ditur se kushdo në avion me ta, janë të vaksinuar”- tha Alfonso Lopez, drejtues i disa qendrave të mikpritjes në Madrid.

Të gjithë vendet e BE janë mbështetës ndaj një sistemi të certifikatave të vaksinës, sipas një fjalimi të kryeministrit spanjoll Pedro Sanchez, në një konferencë të përbashkët me presidentin francez, Emmanuel Macron.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.