BE synon të arrijë një marrëveshje mbi taksën dixhitale, deri në fund të vitit
“Ministrat e financave të Bashkimit Evropian këtë javë do të diskutojnë propozimet për të miratuar një taksë mbi ekonominë dixhital të kompanive deri në fund të vitit”, tha një dokument i përgatitur nga presidenca austriake e bllokut.
Qeveritë e BE-së pajtohen që rregullat tatimore duhet të ndryshohen për të rritur taksat mbi shërbimet dixhitale, të cilat aktualisht janë të nënvlerësuara, por të cilat pengojnë në arritjen e objektivave që kanë shtetet anëtare të Bashkimit Europian.
Shtetet më të vogla me norma tatimore më të ulëta si Luksemburgu dhe Irlanda, që mbajnë komunitete të shumta amerikane, dëshirojnë që ndryshimet e BE të bashkohen me një reformë globale të taksimit dixhital, i cili ka qenë në diskutim për vite, por nuk ka gjetur zgjidhje.
Austria, e cila aktualisht mban presidencën e radhës të BE, synon të shkojë përpara me planin e taksave prej 3 për qind që do të diskutohet në mbledhjen e ardhshme të takimit të ministrave të financave të BE-së të premten dhe të shtunën në Vjenë. Ku, sipas planit austriak vetëm të ardhurat nga shërbimet e reklamimit online, në të cilat Google dhe Facebook shkëlqejnë, dhe nga tregjet virtuale, të tilla si Amazon, do të jenë subjekt i taksës së re.
Njëmbëdhjetë nga 28 shtetet e BE-së tashmë po shqyrtojnë masat e tyre kombëtare, duke u përgatitur kundër rrezikut për tregun e përbashkët të BE nëse nuk zbatohet shpejt plani i përbashkët. Për të kapërcyer disa nga kritikat e masës, Vjena po propozon të zvogëlojë fushën e taksës, e cila nuk do të zbatohej më për shitjen e të dhënave të përdoruesve, ashtu si në propozimin e Komisionit.
“Rreth 200 kompani do të preken nga taksa e re e propozuar nga Komisioni”, thanë zyrtarët evropianë, duke vlerësuar të ardhurat shtesë vjetore prej rreth 5 miliard euro (5,7 miliardë dollarë) sipas nivel-it të BE-së.
p.s/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.