BE tarifon importet e aluminit nga Kina. Godet firmat kineze për çmime padrejtësisht të ulëta

Bashkimi Europian ka vendosur tarifa tek produktet e aluminit të importuara nga Kina, pas një hetimi që tregoi se po shiten me çmime padrejtësisht të ulëta.  Komisioni Europian, që mbikëqyr politikat tregtare për 27 vendet e Bashkimit Europian, ka caktuar tarifa të anti-dumpingut prej 21.2% – 31.2% ndaj produkteve kineze të aluminit, në formën e shufrafe apo tubave.   Tarifat janë më të ulëta se ato provizore prej 30.4% deri në 48% të vendosura përpara se hetimi të përfundonte.

Komisioni hapi një hetim në Shkurt të vitit 2020 drejt produkteve të përdorura gjerësisht në transport, ndërtim dhe pajijse elektronike, pas ankesave nga grupi i lobimit “European Aluminium”.  Anëtarët tek ky grup industrial përfshijnë  Norsk, Rio Tinto dhe Alcoa.  Tarifat prej 21.2% janë vendosur për Guangdong Haomei dhe Guangdong King Metal.   Kompanitë bashkëpunuese do përballen me tarifa në 22.1% dhe materialet nga të gjithë kompanitë e tjera, do kenë tarifa në 32.1%.   Shoqata kineze e metaleve i ka quajtur ankesat si të pa baza.

Klevis Llaha / SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.