BE, thirrje për udhëtimin e të vaksinuarve / Komisioni pret miratimin nga vendet anëtare këtë muaj

Komisioni Evropian propozoi zbutjen e kufizimeve në udhëtimet e biznesit dhe për pushim,  për ata që janë vaksinuar plotësisht ndaj Covid-19, duke rritur shpresat për një rikthim gradual drejt normalitetit, ndërkohë që vaksinimi merr vrull.  Krahu ekzekutiv i Bashkimit Evropian, rekomandoi mikpritjen e turistëve nga vendet me norma të ulëta të infeksionit si dhe për të vaksinuarit, sipas një deklarate në nisje të Javës. Këto propozime kërkojnë miratim nga vendet anëtare dhe zyrtarët e Komisionit bënë të ditur se shpresojnë një kalim të propozimit deri në fund të muajit Maj.  Parametrat e reja do të zëvendësojnë ndalimin aktual për të gjithë udhëtimet jo të rëndësishme drejt BE.   Blloku po punon për nëj sistem të pasaportave të vaksinës, që do lehtësojë udhëtimin për të vaksinuarit, ose për ata që vërtetojnë që kanë kaluar sëmundjen dhe kanë imunitet.  Vendet aëntare do të detyrohen të pranojnë prova për të gjithë vaksinat e miratuara në BE, përfshirë Pfizer, AstraZeneca dhe Moderna.   Komisioni theksoi se vaksinat që kanë përfunduar listimin e emergjencës së Organizatës Botërore të Shëndetësisë, mund të përfshihen gjithashtu.  Në të njëjtën kohë, rregullat e reja do të lejojnë vendet anëtare që të ndalojnë të gjithë udhëtimet nga vendet ku variantet e reja janë bërë shqetësuese.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.