BE tregon si do paguhet gazi rus – Mënyrat e ligjshme për të shlyer faturat me Moskën

Komisioni Europian ka shpjeguar se si kompanitë e bllokut do të mund të paguajnë për gazin rus pa shkelur sanksionet e vendosura ndaj Moskës, në një udhëzues që ka rënë në duart e agjencisë së lajmeve Reuters.

Komisioni u tha vendeve anëtare një muaj më parë se kompanitë europiane duhet të jenë në gjendje  të paguajnë për gazin por vetëm nëse ndjekin disa kushte, pasi Rusia i kërkoi blerësve të huaj që të paguajnë në rubla, në të kundërt nuk do të furnizoheshin.

Në një udhëzues të përditësuar, që iu shpërnda vendeve anëtare të premten e kaluar, komisioni europian konfirmoi se sanksionet e BE nuk ndalojnë kompanitë që të hapin llogari bankare në nëj bankë të caktuar, dhe kompanitë mund të paguajnë për gazin – për aq kohë sa e bëjnë me valutën për të cilën është rënë dakord në kontratat ekzistuese dhe të deklarojnë transaksionin e kompletura kur ajo valutë është pagaur.

Pothuajse të gjitha kontratat e kompanive europiane me gjigantin rus të Gazprom janë në euro ose dollarë.
Rusia ka ndërprerë furnizimin me gaz për Poloninë dhe Bullgarinë, muajin e kaluar pasi vendet refuzuan të paguajnë në rubla. Qeveri të ndryshme europiane dhe importues të mëdhen kanë kërkuar më shumë shpjegime nga Brukseli se si mund të vazhdojnë të blejnë gaz, me të cilin ngrohen shtëpi, prodhohet energjia elektrike  dhe vihen në punë fabrika në Europë

Kompanitë duhet të bëjnë një deklarata të qartë duke treguar se kur paguajnë në euro apo dollarë, dhe se në atë moment presin të furnizohen si dhe është përcaktuar në kontratë.

Pas përmbushjes së detyrimeve kur të kryen depozitat në euro ose dollarë një kompani duhettë shmangë përfshirjen me Bankën Qendrore ruse, e cila është objektiv sanksionesh, dhe mund të kryejë konvertimin e eurove në rubla. Por presidenti rus Putin ka bërë të qartë disa herë se një faturë do të konsiderohet e shlyer, vetëm kur pagesa të kryhet në rubla.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.