BE-Turqi: Çfarë kanë në axhendë shefat europianë që do të vizitojnë Ankaranë sot?

Tani kanë kaluar 22 vjet që kur Turqia u bë një vend kandidat për anëtarësim në Bashkimin Europian.

Ka qenë një rrugë shkëmbore, dhe përfundimisht e pafrytshme. Në vitin 2018, negociatat u ngrinë për atë që BE e quajti prapambetje të Turqisë në lidhje me demokracinë, shtetin e së drejtës dhe të drejtat themelore nën Presidentin Rexhep Tajip Erdogan.

Në realitet, negociatat ishin ngrirë që herët. BE do që Ankaraja të pranojë ribashkimin e ishullit të ndarë të Qipros. Turqia ka refuzuar të konsiderojë këtë, përveç se zgjidhjen me dy shtete për ishullin.

Edhe nëse Qipro nuk do të ishte një vijë e kuqe për një numër shtetesh europiane, përfshirë Italinë dhe Francën – për të mos përmendur Greqinë – ka një numër çështjesh të tjera në dukje të pazgjidhshme midis Turqisë dhe Bashkimit Europian, së fundmi mbi refugjatët.

Ilke Toygur, analiste e Çështjeve Europiane në Institutin Mbretëror Elcano, tha se takimi me udhëheqësit e BE po mbahet gjatë kohërave të trazuara në Turqi. “Pas dyerve të mbyllura, mesazhi kryesor (BE) do të jetë për sa kohë që ju të luani në të njëjtën vijë me politikën e jashtme, do të ketë një përmirësim në marrëdhëniet” tha ajo. (EN)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.