BE zgjat skemën pa taksa për importin e produkteve bujqësore për Shqipërinë
Agjencia Shqiptare e Zhvillimit të Investimeve bën me dije se eksportuesit shqiptarë mund të eksportojnë produkte bujqësore pa taksë doganore në BE deri në vitin 2025.
Sipas njoftimit Bashkimi Europian ka zgjatur skemën pa taksa për importin e frutave dhe perimeve nga vendet e Ballkanit Perëndimor deri në fund të vitit 2025.
AIDA njofton se sipas ndryshimit të mëparshëm të rregullores, regjimi pa taksa për importet e frutave dhe perimeve nga Ballkani Perëndimor do të skadonte në fund të vitit 2020 dhe në këtë kuadër, përveç mollëve, kumbullave dhe misrit të ëmbël, gjatë 5 viteve të ardhshme, produktet shqiptare që mund të eksportohen pa paguar taksë doganore në BE, ndër të tjera janë patatet, kërpudhat, rrushi, qershitë, pjeshka, luleshtrydhja etj.
Tarifat preferenciale janë lehtësira doganore (tarifa pa taksa ose tarifa të reduktuara 0).
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.