Beethoven në Parlamentin Europian – Peterle luan “Ode to Joy” dhe kërkon një Europë të bashkuar
Anëtari slloven në Parlamentin Europian dhe ish Kryeministri i Sllovenisë, Alojz Peterle, e përfundoi seancën plenare ditën e Enjte, duke luajtur një pjesë të simfonisë së 9 të Beethoven në harmonikë dhe duke bërë thirrje për rindërtimin e Katedrales Notre-Dame në Paris, pak ditë pasi u pushtua nga flakët.
Një anëtar i kristian demokratëve të Partisë Popullore Europiane ashtu si presidenti i Komisionit Europian Jean-Claude Juncker dhe Kancelarja gjermane Angela Merkel, Peterle mori duartrokitje të gjata pasi luajti himnin e Bashkimit Europian, një interpretim instrumental të Ode to Joy të Ludwig van Beethoven, përpara një sesioni të votimit, që do të jetë edhe i fundit i legjislativit.
“Të dashur kolegë, këto janë vendimet tona të fundit në këtë mandat dhe unë do doja t’ju falenderoja për 5 vite të bashkimit dhe diversitetit. Është përgjegjësia jonë që të mbajnë të bashkuar Europën. Le të ndërtojnë katedralen Notre Dame dhe gëzuar pashkët” – tha Alojz Peterle.
Peterle, ish kryeministri dhe ministri i Jashtëm i Sllovenisë, falenderoi kolegët e tij për 5 vitet e bashkimit dhe diversitetit dhe shtoi se është përgjegjësia e parlamentit Europian që të mbajë të bashkuar Europën.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.