Bëhuni një vizionar për kompaninë, por edhe për njerëzit

Shumë sipërmarrës të rinj kërkojnë të jenë vizionare, të krijojnë një produkt që mbizotëron në treg, një program që ka impakt në komunitet, ose një shërbim që transformon industrinë.

Udhëheqja vizionare nuk është një koncept i pazakontë, por një pjesë e mirë e enegjisë harxhohet për këto produkte, shërbime ose programe. Këto elementë mund të përfaqësojnë pjesën kryesore të strategjisë së biznesit, por vizoni i vërtetë shtrihet përtej biznesit, në jetët e njerëzve që punojnë për kompaninë tuaj.

Pra, inovatorët e vërtetë kanë vizion si për biznesin, ashtu edhe për njerëzit.

Nëse jeni një organizatë jo-fitimprurëse, liderët kanë një mundësi të shkëlqyer për të ndërtuar ekipe të mira me punonjës të jashtëzakonshëm. Megjithatë, këta liderë janë të paktë, ndoshta sepse kanë një vizion shkurtpamës.

Në përgjithësi, konkurrenca midis bizneseve të reja është e pamëshirshme dhe të drejtosh një organizatë me impakt në shoqëri mund të jetë shumë lodhëse. Prandaj këto ekipe kanë nevojë për një lider të mirë dhe të përkushtuar.

Ja tre arsye se pse të shpenzosh kohë për të ndërtuar një vizion të mirë prej drejtuesi ia vlen kohën dhe energjinë.

1. Vizioni do të motivojë punonjësit dhe grupin

Sigurisht që shndërrimi i ideve në një biznes është një punë e vështirë dhe kërkon kohë, por nëse ndërtoni një vizion për punën dhe performancën e bashkëpunëtorëve tuaj do t’ju ndihmojë gjatë kësaj kohe.

Do të kuptoni se suksesi i kompanisë varet nga bashkësia e suksesit që ka secili anëtar i saj. Ndaj është detyra juaj të motivoni dhe ofroni një pamje nga e ardhmja për partnerët tuaj. Ata do t’ua shpërblejnë me punë dhe rezultate për sipërmarrjen tuaj.

2. Ekipi juaj do të kuptojë vizionin e biznesit njëlloj si ju

Ndërsa zgjeroni biznesin dhe ekipin, është e rëndësishme që secili element i ri të ketë të njëjtin nivel pasioni dhe angazhimi si ju. Merrni kohën që ju duhet për të investuar tek njerëzit dhe të krijoni një ambjent pune ku ata të mund të shprehen më së miri.

Kur të krijohet një raport besimi mes jush, ata do të kuptojnë më mirë vizionin tuaj e do të pëlqejnë më tepër punën që bëjnë.

3. Do të krijoni një ekip vizionarësh

Nëse ndani vizionin tuaj me punonjësit, kjo bën që edhe ata të kenë vizionin e tyre. Qoftë për punën, karrierën e tyre, apo organizatën në tërësi. Vizioni i ndihmon ekipet të qëndrojnë me këmbë në tokë, por edhe të frymëzuara njëkohësisht. Një ekip i tillë do të marshojë padyshim drejt suksesit në mënyrë më efektive dhe më të fokusuar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.