Bejruti kthehet në një qytet të shkretë. Banorët vajtojnë humbjen e të afërmve, shtëpive dhe bizneseve
Në ditën e dytë që kur shpërthimi gjigant tronditi kryeqytetin e Libanit, banorët vazhdojnë të enden nën rrënoja, duke vajtuar humbjen e personave të afërt, shtëpive apo bizneseve. Banorët e Bejrutit u zgjuan në një qytet të shkretë. Ekipet e shpëtimit kanë gërrmuar rrënojat për të mbijetuar në një qytet që ndodhej në kulm të kolapsit financiar dhe përhapjes së koronavirusit. Një qytetar numëroi për Reuters një seri të krizave që kanë tronditur jetën e tij dhe miliona banorë të tjerë që prej vitit të kaluar.
Ai thotë se Libani është përballur me zjarre të mëdhenj vitin e kaluar, ndjekur nga protesta disa mujore, kolapsi ekonomik dhe përhapja e shpejtë e koronavirusit. Por, shpërthimi, që ka marrë jetën e të paktën 135 njerëzve, plagosur 5,000 dhe nxjerrë 250,000 njerëz jashtë nga shtëpitë e tyre, duket se është goditja e fundit. Autoritetet e fajësuan ngjarjen tek magazinimi i madh i lëndëve tejet shpërthyese prej vitesh, në kushte të pasigurta në port. Për shumë libanezë, ishte goditja e fundit që vjen nga një elitë politike që ka sunduar prej vitesh. Libani lajmëroi ditën e Mërkurë një gjendje të emergjencës 2-javore dhe i’a dha ushtrisë kontrollin e sigurisë të kryeqytetit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.