Bernie Sanders ‘e rrotullon’/ Foton që u bë meme do t’a përdorë për një fushatë që ndihmon të moshuarit

Bernie Sanders ka deklaruar se është argëtuar nga memet (fotomontazhet) që i janë bërë pas pjesëmarrjes së tij në ceremoninë e inaugurimit të presidentit amerikan Joe Biden. Imazhi i tij, i veshur me xhup e doreza, me një dosje në dorë, u bë viral dhe burim frymëzimi kreativ në rrjetet sociale.

Për senatorin socialist të Vermont, ajo që ka ndodhur nuk ka qenë vetëm diçka argëtuese por edhe e mirë.

Ish kandidati për president ka vendosur në fakt që ta përdorë imazhin mbi disa xhupa e bluza që do të shiten në kuadër të një fushate, të ardhurat e së cilës do t’i shkojnë 100 % shoqatave bamirëse që luftojnë urinë, si p.sh ‘Meals on Wheels’ që mbështet të moshuarit që kanë të ardhura të ulëta. ‘Bernie’ pret që të mbledhë së paku disa milionë dollarë nga kjo fushatë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.