BERZH “zbret” të hënën në Tiranë – Diskutime për paketat mbështetëse për ndërmarrjet e vogla dhe të mesme
Banka Europiane për Rindërtim dhe Zhvillim (BERZH) do të zhvillojë më 8 Maj një konferencën ku në fokus do të jenë praktikat më të mira ndërkombëtare në Agrobiznes’. Konferenca, e cila do të zhvillohet këtë të Hënë do të mbledhë së bashku në Tiranë, biznese, këshilltarë lokalë dhe ndërkombëtarë në një sërë fushash ekspertize.
Me financim nga Bashkimi Europian, ky event është pjesë e paketës mbështetëse që BERZH jep për ndërmarrjet e vogla dhe të mesme (NVM), duke ofruar mjete të integruara të financimit të drejtpërdrejtë, financimin nëpërmjet institucioneve financiare partnere, këshillave të biznesit dhe dialogut politik.
Bizneset që duan të jenë pjesë e kësaj konference mund të marrin më shumë informacion në faqen zyrtare të Agjencisë Shqiptare të Zhvillimit dhe Investimeve, ndërkohë që për axhendën e kësaj konference mund të klikoni këtu
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.