Beteja ligjore BE-AstraZeneca / Komisioni i kërkon gjykatës që kompania të dërgojë më shumë doza

Bashkimi Europian i ka kërkuar gjykatësve që të detyrojnë AstraZeneca për të furnizuar miliona doza të vaksinës drejt bllokut, në raundin e fundit të betejës ligjore.  Gjykata në Belgjikë ka vlerësuar pretendimin e BE, se ka një situatë emergjente që meriton një urdhër drejt kompanisë, për të dërguar dozat.  Gjykata do të vlerësojë më vonë gjatë vitit nëse AstraZeneca ka shkelur kushtet e kontratës.  “Duke marrë parasysh urgjencën për doza të vaksinës për të vazhduar programin në vendet anëtare, Komisioni Europian i ka kërkuar gjykatës që t’i kërkojë kompanisë për të dorëzuar doza të mjaftueshme”- tha Stefan De Keersmaecker, zëdhënës i komisionit.  Kontrata e furnizimit të AstraZeneca me BE u vu në dukje pasi ka dërguar vetëm 30 milionë doza në tremujorin e parë, nga 120 milionë që ishte premtimi.  Kompania ka fajësuar vështirësitë në prodhimin e vaksinës tek fabrikat evropiane, ndërsa pala evropiane ka këmbëngulur se kompania duhej të varej tek fabrikat britanike, duke ngritur dyshime mbi marrëveshjet e tjera individuale me Britaninë. Europa kishte një nisje të ngadaltë të vaksinimit të popullsisë prej rreth 450 milionë, pjesërisht prej pasigurive mbi furnizimin vaksinave, gjë që ka cenuar përpjekjet për të rihapur ekonomitë.  Përveç problemeve me dërgesat, vaksina e AstraZeneca është mbuluar me lajmë negative në Europë mbi efektet anësore të mpiskjes së gjakut, që kanë bërë disa vendet të limitojnë përdorimin tek grupmosha të caktuara.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.