Biblioteka Publike e New York përdor Instagram për të sjellë novelat klasike në celular
Biblioteka e New York-ut ka nisur të transformojë novelat klasike në Storie të animuara për Instagram. Përmes një partneriteti me agjencinë e reklamave “Mother”, ato kanë krijuar “Insta Novelat”, duke i konvertuar librat në një format më argëtues, i cili mund të tërheqë brezat më të rinj të lexuesve.
Libri i parë të cilin e ka sjellë biblioteka është Aventurat e Lizës në Botën e Çudirave, i cili mund të gjendet në seksionin highlight të llogarisë në Instagram të Bibliotekës. Teksti i librit është i plotë dhe është pasuruar përmes disa animacioneve dhe ilustrimeve moderne.
Për ta lexuar, mjafton të shihni storie-n si normalisht, duke mbajtur gishtin në faqe në mënyrë që ta lexoni të plotë. Një detaj interesant është pozicioni për vendosjen e gishtit në fund, i cili në këtë mënyrë nuk pengon asnjë fjalë.
Libraria planifikon të nxjerrë disa libra të tjerë gjatë muajve në vijim, si “Metamorfoza” e Franz Kafkas apo “Letra e murit e verdhë” e Charlotte Perkins.
Për të parë vetë këtë risi mund të vizitoni faqen e Librarisë Publike të New York-ut.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.