Biden do të propozojë një taksë për miliarderët – Pritet të prezantojë një miminum prej 20% për amerikanët më të pasur

Presidenti Joe Biden pritet të propozojë një taksë të re minimale që do të shënjestrojë kryesisht miliarderët, kur të publikojë buxhetin për vitin 2023, sipas burimeve për Reuters.

Propozimi, i quajtur  “Taksa Minimale e Të Ardhurave Për Miliarderët”, do të vlerësojë një normë minimale prej 20% ndaj familjeve amerikane që kanë një pasuri në mbi 100 milionë dollarë.  Mbi gjysma e të ardhurave mund të vijnë nga ato që vlejnë në mbi 1 miliardë dollarë.

“Kjo taksë minimale do të sigurojë që më të pasurit e amerikës të mos paguajnë më një taksë më të ulët se mësuesit apo zjarrëfikësit”- thekson dokumenti, i parë nga Reuters.

Taksa e propozuar pritet të reduktojë defiçitin me rreth 360 mld dollarë në dekadën e ardhshme.

Nëse një familje e pasur po paguan që tani 20% të totalit të të ardhurave, ata nuk do të paguajnë taskë shtesë, sipas propozimit.  Nëse paguajnë më pak se 20%, ata do të kenë për detyrim një agesë shtesë, për t’u përshtatur me dyshemenë e re.

Propozimi është pjesë e buxhetit të vitit 2023 të Biden, që do të prezantohet në nisje të Javës. Plani i tij i ri i shpenzimeve do të shkujrtojë 1.3 trilionë dollarë nga defiçiti në dekadën e ardhshme, sipas të dhënave nga Shtëpia e Bardhë.

Ajo që mbetet për të parë është nëse Kongresi do të miratojë propozimin e Biden. Vitin e kaluar, demokratët prezantuan një taksë të milairderëve, që do të shënjestronte kthimet e parealizuara ende të kapitalit për amerikanët më të pasur.  Masa nuk kaloi në Kongres.

Në vitin fiskal 2021, defiçiti federal arriti në një total prej rreth 2.8 trln dollarë, rreth 360 mld më pak se në vitin 2020, sipas zyrës së buxhetit në Kongres.

Rimëkëmbja e shpejtë nga pandemia, ka qenë një ndër faktorët që kanë ulur defiçitin.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.