Biden feston 245-vjetorin e pavarësisë / “Vaksinimi është gjëja më patriotike që mund të bëni”

Presidenti i Shteteve të Bashkuara, Joe Biden, festoi ditëlindjen e 245-të të vendit më 4 Korrik, duke hapur dyert e Shtëpisë së Bardhë dhe i bërë thirrje amerikanëve që të bëjnë pjesën e tyre për t’i dhënë fund pandemisë një herë e mirë.  Biden foli përballë përballë 1,000 personave, përfshirë familje të ushtarakëve dhe punonjësve të përfshirë në reagimin ndaj pandemisë.

Festa më e madhe e Shtëpisë së Bardhë që kur Biden mori detyrën në Janar, synonte t’i jepte amerikanëve diçka për të festuar, ndërkohë që normaliteti po rikthehet gradualisht, pas pandemisë që ka lënë mbi 600,000 amerikanë të vdekur.  Megjithatë, vendi ka dështuar të arrijë objektivin e Biden për 70% të të rriturve të vaksinuar deri më 4 Korrik.  Shifra qëndron në rreth 67% me të paktën një vaksinë, ndërkohë që disa njerëz po ngurrojnë të marrin injeksionin, duke ngritur shqetësimet mbi variantin më të rrezikshëm Delta.

Biden lavdëroi amerikanët që kanë ndihmuar në kundërpërgjigjen emergjencë të vendit dhe tha se vaksinat janë mbrojtja më e mirë ndaj varianteve të reja. “Është gjëja më patriotike që mund të bëni”- tha Biden për vaksinën.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.