Biden: Një pandemi e të pavaksinuarve – Presidenti lajmëron pagesa për t’u vaksinuar. Ashpërson rregullat për federalët
Presidenti i Shteteve të Bashkuara, Joe Biden i bëri thirrje qeverive lokale që t’i paguajnë njerëzit për t’u vaksinuar ndaj Covid-19, si dhe të caktojnë rregulla të reja që i kërkojnë punonjësve federalë të ofrojnë vërtetime të vaksinimit, testime të rregullta dhe kufizime në udhëtime. Masat janë përpjekja e fundit e Biden për të nxitur amerikanët ngurrues për t’u vaksinuar, ndërkohë që varianti Detla i koronavirusit po përfshin të gjithë vendin, duke infektuar veçanërisht njerëzit e pavaksinuar. Shtete e Bashkuara kanë mbetur mbrapa vendeve të tjera të zhvilluara në vaksinim, pavarësisht tepricave në doza. Vendimi i Biden për t’i kërkuar miliona punonjësve federalë dhe kontraktorëve që të ofrojnë prova të vaksinimit, ndryshon qasjen e mëparshmë të presidentit.
“Sa më shumë njerëz të vaksinohen, aq më të mbrojtur do të jemi si komb, për të vazhduar rihapjen e sigurt të ekonomisë. Por ne nuk jemi jashtë rrezikut ende, pasi kjo që po ndodh në Amerikë tashmë, është një pandemië e të pavaksinuarve. Ka 90 miluionë amerikanë që janë të përshtatshëm për të marrë vahskinën dhe nuk e kanë marrë. Thuajse të gjithë rastet, shtrimet në spitale dhe vdekjet si pasojë e Covid, po vijnë nga njerëzit e pavaksinuar”, u shpreh Biden
Sipas Qendrës për Kontrollin dhe Parandalimin e Sëmundjeve, thuajse 163.8 milionë njerëz në SHBA janë vaksinuar plotësisht, nga popullsia prej rreth 330 mln. Qeveria federale është punëdhënësi më i madh në SHBA dhe vendimi i Biden mund të shërbejë si një shembull për bizneset private. Punonjësit që nuk tregojnë prova të vaksinimit do të jenë subjekt i testeve 1 apo 2 herë në javë, si dhe kufizimeve në udhëtime. Ndërkohë, autoritetet shtetërore dhe lokale do të mund të aksesojnë ndihmat prej 350 miliardë dollarë të pandemisë, për të ofruar 100 dollarë pagesa për çdo amerikan të sapovaksinuar, për të nxitur normën e imunizimit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.