Biden ofron kredite tatimore për bizneset. Nxit largimin e punonjësve me pagesë për t’u vaksinuar

Presidenti i Shteteve të Bashkuara, Joe Biden, lajmëroi kredite tatimore për biznese të caktuara që ofrojnë largim nga puna të paguar për punonjësit që të marrin vaksinat, ndërkohë që përpiqet të përfshijë korporatat amerikane në fushatë.  Biden tha se kreditet tatimore do aplikohen ndaj bizneseve me më pak se 500 punonjës.  Gjatë fjalimit, presidenti tha gjithashtu se pret që Shtetet e Bashkuara të arrijnë objektivin 100-ditorë prej 200 milionë vaksinash të injektuara brenda ditës.

“Kur të dalë nesër numri i vaksinimit, do tregojë se ne e arritëm objektivin sot.  Sot ne arrijmë 200 milionë vaksina të injektuara, në ditën e 92-të në detyrë.  Unë i bëj thirrje çdo punëdhënësi, të vogël apo të madh, në çdo shtet, që t’i japë punonjësve kohën e duhur për t’u vaksinuar.”

Biden tha se fushata e vaksinimit po hyn në një fazë të re me këdo mbi 16-vjeç që është i përshtatshëm për vaksinim. Biden tha se 80% e të gjithë të rriturve kanë marrë të paktën 1 vaksinë, ç’ka ka sjellë një rënie të madhe të vdekjeve tek të moshuarit në Amerikë.  Zyrtarët e administratës thanë se qeveria planifikon të rimbursojë bizneset për kostot e dhënies së punonjësve të paktën 80 orë largim të paguar, për të marrë vaksinën, apo shëruar nga efektet anësore.  Kreditit tatimor arrin deri në 511 dollarë për ditë për çdo punëtor, deri në Shtator.  Këto kredite janë autorizuar nën paketën e lehtësimit nga pandemia e kaluar nga Kongresi.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.