Bie në 7 numri i të infektuarve me Covid – Situata paraqitet e qëndrueshme, njofton Ministria e Shëndetësisë
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë kryer 171 testime ku 7 prej tyre kanë rezultuar pozitiv, duke e çuar në 789 numrin total të të infektuarve në të gjithë vendin.
Aktualisht rezultojnë 519 qytetarë të shëruar nga Covid-19 dhe situata në vendin tonë paraqitet e qëndrueshme.
Në vendin tonë janë 239 pacientë aktivë ku pjesa më e madhe po monitorohen nga mjeku i familjes, ndërsa në dy spitalet Covid janë të shtruar 31 pacientë dhe 7 prej tyre janë në terapi intesive.
Ministria e Shëndetësisë i bën thirrje qytetarëve të vazhdojnë të respektojnë masat e distancimit social dhe ruajtjes së higjienës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.