Bie numri i ndërmarrjeve të regjistruara në tremujorin e katërt të 2017 – Kryeson tregtia
Në tremujorin e katërt të 2017 janë regjistruar gjithsej 1.921 ndërmarrje, ose 13.3 për qind më pak se tremujori i tretë i po këtij viti.
Po të krahasojmë numrin e ndërmarrjeve të regjistruara në të njëjtën periudhë të vitit 2016, ka një rënie prej 14.7 për qind, raporton Agjencia e Statistikave të Kosovës (ASK).
Në Kosovë vazhdojnë të jenë të preferuara bizneset që kanë në fokus tregtinë, me 511 ndërmarrje të regjistruara (26.6%); akomodimi dhe aktivitetet e shërbimeve me ushqim me 183 ndërmarrje të regjistruara (9.5%); ndërtimtaria me 180 ndërmarrje të regjistruara (9.4%) etj.
Kategoria e numrit të të punësuarve nga 1 deri 4 përbën 1 846 ndërmarrje, ose 96.1% e ndërmarrjeve të regjistruara; kategoria me 5 deri 9 të punësuar me 47 ndërmarrje, ose 2.4% e ndërmarrjeve të regjistruara; kategoria me 10 deri 19 të punësuar me 18 ndërmarrje ose 0.9% e ndërmarrjeve të regjistruara; kategoria me 20 deri 249 të punësuar me 10 ndërmarrje ose 0.5% e ndërmarrjeve të regjistruara; ndërsa në kategorinë 250+ të punësuar nuk ka asnjë ndërmarrje të regjistruar gjatë këtij tremujori.
Sa i përket shtrirjes gjeografike të ndërmarrjeve të regjistruara në nivel të komunave, mbizotëron Prishtina me 643 ndërmarrje të regjistruara (33.5%), Prizreni 147 (7.7%), Ferizaj 146 (7.6%), Gjilani 117 (6.1%), Peja 116 (6.0%), Mitrovica me 75 ndërmarrje të regjistruara (3.9%), ndërsa komunat e tjera kanë numër më të vogël të ndërmarrjeve të regjistruara në këtë tremujor.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.