Bie performanca e sektorit të bujqësisë së BE-së / Shtohen 171.9 miliard dollarë në PBB-në e eurozonës
Në vitin 2020, sektori i bujqësisë kontribuoi me rreth 171.9 miliardë euro drejt PBB-së së BE-së, ekuivalenti i 1.3% të totalit. Në terma krahasues, kjo ishte vetëm pak më e vogël se PBB-ja e Greqisë.
Industria bujqësore në BE krijoi një vlerë të shtuar bruto të vlerësuar prej 177 miliardë eurosh në vitin 2020. Një mënyrë për të parë këtë është se për çdo 1 euro të shpenzuar për koston e mallrave dhe shërbimeve të përdorura në procesin e prodhimit, fermat në BE shtuan një vlerë prej 0.75 euro.
Vlera totale e prodhimit bujqësor në vitin 2020 ishte vlerësuar 411.8 miliardë Euro, nga të cilat rreth gjysma (52.8%) erdhën nga të korrat (përfshirë 14.0% nga perimet dhe bimët hortikulturore dhe 11.2% nga drithërat) dhe pak më pak se dy të pestat (38.6%) nga kafshët dhe produktet shtazore (përfshirë 13.1% nga qumështi dhe 9.6% nga derrat). Pjesa tjetër ishte nga shërbimet bujqësore dhe aktivitetet e pandashme jo-bujqësore.
Të ardhurat bujqësore për AWU për BE-në në tërësi ishin pak më të ulëta në vitin 2020 krahasuar me 2019-ën
Të ardhurat bujqësore për njësi pune vjetore (AWU) në BE ishin vlerësuar 1.5% më të ulëta në 2020 sesa në 2019. Kjo rënie e lehtë në nivelin e BE përfshinte të ardhura më të ulëta bujqësore në pesë nga shtatë prodhuesit më të mëdhenj bujqësorë: Itali %), Hollanda (-5.1%), Franca (-7.6%), Rumania (-13.8%) dhe Gjermania (-14.6%, kjo është niveli më i mprehtë i rënies midis Shteteve Anëtare).
Sidoqoftë, një shumicë e Shteteve Anëtare regjistruan rritje në këtë indeks. Rritjet më të mëdha ishin në Lituani (+30,2%), Kroaci (+13,2%), Spanjë (+13,0%) dhe Hungari (+11,6%).
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.