Bie prodhimi i naftës në Rusi. Flitet se vendi po kompenson tejkalimin e kuotave në vitin e kaluar
Prodhimi i naftës dhe gazit rus ra në 10.1 milionë fuçi në ditë në muajin Shkurt, nga 10.16 fuçi që ishte në muajin e kaluar, pavarësisht planit për të nxitur outputin, sipas përllogaritjeve të Reuters. Rusia pritej të rriste prodhimin me 65,000 fuçi në dutë nga Shkurti, ndërkohë që grupi i prodhuesve lider të naftës OPEC+, ra dakord të lehtësojë barrierat dhe mbështetur çmimet.
Prodhimi i kondensuar i naftës dhe gazit qëndroi në 38.56 milionë ton për Shkurtin, krahasuar me 42.96 milionë ton në Janar, sipas agjencisë që përmendte të dhëna nga ministria e Energjisë.
Dy burime të energjisë bënë të ditur se rënia shpjegohet me Rusinë që tejkaloi kuotat e OPEC+ vitin e kaluar dhe lideri i organizatës, Arabia Saudite, ka kërkuar të gjithë vendet anëtare që të kompensojnë mbi-priodhimin. Organizata e Vendeve Eksportuese të Naftës pritet të zhvillojë një takim në rrjet këtë Javë, për të vendosur mbi politikat e prodhimit.
Sipas burimeve, grupi do diskutojë për një lehtësim modest të ofertës nga Prilli, pavarësisht se ekspertë argumentojnë për ruajtjen e nivelit për momentin, duke marrë parasysh rreziqet nga pandemia.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.