Bien çmimet e ushqimit – FAO: Mishi dhe qumështi në rënie, vetëm drithërat në rritje
Gjatë muajit tetor, çmimet e ushqimit u regjistruan në rënie, ndikuar nga çmimet më të ulëta të produkteve të qumështit, mesatarisht 27% më poshtë se niveli maksimal i arritur 6 vite më parë.
Indeksi i Çmimeve të Ushqimit i Organizatës për Ushqim dhe Agro-Bujqësi të Kombeve të Bashkuara u fiksua në 176.4 pikë për Tetorin, në rënie me 1.3% nga shtatori. Në terma vjetorë, ndërkohë, indeksi është 2.5% më i lartë.
Indeksi i Çmimeve të Ushqimit të Organizatës është matja e ndryshimit mujor në çmimet ndërkombëtare të një shporte të mallrave ushqimore. Produktet e qumështit ranë kështu me 4.2% gjatë tetorit, duke shënuar rënien e parë që nga maji i këtij viti.
Kuotimet ndërkombëtare për gjalpë dhe qumësht pluhur, ndërkohë, u ulën, pasi importuesit u kufizuan në blerje, duke pritur furnizime të reja nga Oqeania, ndërkohë që kërkesa e ulët dhe stoqet e bollshme që ndërhynë në BE ulën çmimet e qumështit pluhur.
Indeksi i Çmimeve të vajrave ra gjithashtu me 1.1% nga vlera e Shtatorit, pasi çmimet kryesore të vajrave të palmës dhe të sojës u ulën në dritën e pritshmërisë pozitive për prodhim. Indeksi i Çmimeve të sheqerit ra me 0.7%, i ndikuar nga dobësimi i monedhës në Brazil, që është eksportuesi më i madh.
Indeksi i Çmimeve të mishit ra me 0.9%, pasi konkurrenca e fortë midis eksportuesve të mishit të derrit, e kombinuar me kërkesën e ngadaltë të importit, shkaktoi uljen e kuotimeve ndërkombëtare.
Çmimet e drithërave pësuan një rritje me 0.4%, duke u ndikuar nga çmimet më të larta të orizit. Organizata flet dhe për një nivel rekord historik të prodhimit të drithit në botë, gjatë këtij viti, por edhe për kërkesë rekord.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.