Bien depozitat, rriten kreditë – Të dhënat e BSH për korrikun, kreditë me probleme mbeten në nivel rekord të ulët
Të dhënat më të fundit nga Banka e Shqipërisë tregojnë se kreditimi i sektorit banker është rritur gjatë korrikut, si në terma mujorë, ashtu edhe në terma vjetorë. Kështu, të dhënat zyrtare tregojnë se gjatë korrikut, portofoli i huasë u ngjit në 43.4 miliardë lekë, nga rreth 40.5 mld lekë që ishte muajin paraardhës, pra në rritje me 7.1%, apo në rreth 37.6 mld lekë që ishte në muajin korrik të një viti më parë, në rritje me 15.4%.
Rritja e kreditimit të sektorit bankar vjen pavarësisht krizës ekonomike që po kalon vendi dhe e gjithë bota, si rrjedhojë e pandemisë. Edhe niveli i kredive me problem mbetet i njëjtë me muajin paraardhës, në rreth 8%, që është edhe niveli më i ulët në 11 vitet e fundit. Ajo që vihet re tjetër nga të dhënat e bankës së Shqipërisë është një tkurrje e lehtë e depozitave, që kanë zbritur në 148.5 mld lekë gjatë korrikut, nga 151.1 mld lekë që ishin në qershor, apo nga rreth 152.8 mld lekë të korrikut të një viti më parë.
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.