Bien ‘drastikisht’ infektimet me Covid-19, MSH: “9 persona humbën jetën dhe u shëruan 604 të tjerë”
Gjatë 24 orëve të fundit është vënë re një rënie e ndjeshme e infektimeve me koronavirus. Ministria e Shëndetësisë njofton se në total janë kryer 2334 testime dhe kanë rezultuar pozitivë 141 qytetarë. Rastet pozitive të konfirmuara janë identifikuar në këto bashki: 34 raste në Tiranë, 16 raste në Shkodër, 9 raste në Gjirokastër dhe nga 6 raste në Durrës e Vlorë. Në 24 orët e fundit janë shëruar 604 qytetarë, duke e çuar numrin e të shëruarve në 95,035 që nga fillimi i epidemisë.
Aktualisht në spitalet COVID në Tiranë dhe tre spitalet rajonale po trajtohen 256 pacientë, 19 në terapi intensive, nga të cilët 6 janë të intubuar. Me gjithë përpjekjet e stafit mjekësor, 9 qytetarë e kanë humbur betejën me COVID19, të moshave nga 65-82 vjeç. Ministria e Shëndetësisë u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.