Bien eksportet e naftës në Arabinë Saudite / Niveli më i ulët në 10 muaj pasi OPEC zgjat uljen e prodhimit

Eksportet e naftës bruto të Arabisë Saudite ranë në nivelin më të ulët që prej Qershorit 2020, sipas të dhënave zyrtare.  Dërgesat nga eksportuesi më i madh në botë i naftës ranë në 5.408 milionë fuçi në ditë, nga 5.427 milionë që ishin në Mars, ndërkohë që prodhimi u tërhoq në 8.134 milionë fuçi në ditë në Prill, nga 8.138 që ishte në muajin e kaluar.  Të dhënat mujore të eksporteve dhe prodhimit ofrohen nga Riadhi dhe anëtarë të tjerë të Organizatës së Vendeve Eksportuese të Naftës, si dhe Iniciativës së Organizatave të Përbashkëta për të Dhënat, që publikon në faqen e vetë.  OPEC dhe vendet aleate ranë dakord të zgjasin në kohë uljet e prodhimit të naftës deri në Prill dhe Arabia Saudite do zgjasë uljen vullnetare të prodhimit me 1 milionë fuçi në ditë më gjatë.  Goldman Sachs, banka amerikane e investimeve, theksoi në një studim se pret që prodhimi i naftës tek Mbretëria të rritet me 500,000 fuçi në ditë, në 10 milionë bpd, deri në fund të këtij viti.   Rafineritë e Arabisë saudite të naftës bruto patën një rënie në 2.295 milionë fuçi në ditë, ndërsa inventarët e naftës u rritën në 134.08 milionë fuçi në Prill. Eksportet e produkteve të naftës u rritën në 1.216 milionë fuçi në ditë gjatë muajit, ndërsa kërkesa për këto, u rrit në 2.15 milionë.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.