Bilanci 5 mujor – Rama: 4454 ankesa të përfunduara, adresoni problemin 

Kryeministri Edi Rama ka bërë publik raportin 5 mujor të bashkëqeverisjes me qytetarët.

Nga të dhënat grafike të publikuara në  adresën zyrtarë  facebook,  ajo që bie në sy është numri i lartë i ankesave të përfunduara në nivel qendror  ku në total janë 4454.

Ndërsa institucioni që  ka numrin më të lartë të ankesave  rezulton të jetë ministria e Drejtësisë, me 1326 ankesa të përfunduara e ndjekur nga ministria e Shëndetësisë me 454 ankesa, ndërsa më pak ankesa ka ministria e shtetit për diasporën vetëm 5 të tilla.

Ndërkohë që Tirana  është qarku me  numrin më të lartë të ankesave ku rezulton se 187 qytetarë kanë zgjedhur  portalin  shqipëriaqëduam.al, për të zgjidhur problemet e tyre me zyrat e shtetit.

Nëpërmjet  faqes zyrtare në rrjetin social facebook,  Rama deklaron se  se ka ende  “grabitqarë” në sistem dhe i bën apel  qytetarëve të regjistrohen në koalicionin bashkëqeverisës përmes platformës shqipëriaqëduam.al për të adresuar problemet e tyre me zyrat shtetërore duke  vënë në dispozicion  çdo ministër.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.