Bilanci/Shkon në 123 numri i të konfirmuarve me COVID-19 në Shqipëri! Hartës i shtohen Lezha e Hasi! Humb jetën 49 vjeçari nga Tirana

Është shtuar më tej numri dhe lista e qyteteve të prekura nga  COVID-19, ashtu sikurse është rënduar më tej bilanci i viktimave.

Përfaqësuesja e ISHP-së, Eugena Tomini tha se në 24 orët e fundit janë konfirmuar 19 raste të reja pasi janë bërë 74 testime.

Në total, janë testuar 930 pacientë dhe 123 raste kanë rezultuar pozitivë Covid. Ndërkohë, një pacient i shtruar prej 13 ditësh ka ndërruar jetë duke e çuar në 5 numrin e viktimave. 49 vjeçari nga Tirana vuante nga diabeti dhe kishte 10 ditë që ishte në terapi intensive.

Nga ana tjetër, janë 10 qytetarë që deri në këto momente janë shëruar.

Harta e të prekurve me COVID-19

Tiranë 72 persona

Durrës 8 persona

Lushnje 4 persona

Elbasan 2 persona

Fier 12 persona

Rorgozhinë 2 persona

Kavajë 4 persona

Korca 9 persona

Vlora 4 persona

Shkodra 2 persona

Lezha 1 person

Berati 1 person

Hasi 2 persona

Në Spitalin Infektiv, 57 persona janë hospitalizuar, 2 prej të cilëve janë në gjendje kritike për jetën. Pjesa tjetër është në gjendje të stabilizuar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.