Bildt: Besimi te gjyqësori, i rëndësishëm për nxitjen e investimeve të huaja

“Kriza ekonomike dhe luftërat në Gjeorgji konsumuan energjitë e Europës duke lënë në pikën e dytë përpjekjet për shpëtim.”

Kështu është shprehur Carl Bild, kryesuesi i delegacionit të Këshillit Europian për Marrëdhëniet me Jashtë i cili zhvilloi sot një vizitë në vendin tonë.

Bildt, ish-Kryeministër dhe Ministër i Punëve të Jashtme të Suedisë duke i cilësuar pozitat aktuale si më pozitive, shtoi se ekonomitë po rriten dhe në Europë ka optimizëm.

Ndërkohë, ai vuri theksin te besimi në sistemin gjyqësor, duke e cilësuar si një instrument kyç në nxitjen e investimeve të huaja.

‘”Nëse vendet e huaja i bëjnë gjërat siç duhet, dera është e hapur. Është shumë i rëndësishëm besimi te gjyqësori për të nxitur investimet e huaja.”

Delegacioni i kryesuar nga Bildt u prit sot në takim edhe nga Presidenti Ilir Meta, i cili theksoi rëndësinë që ka zgjerimi i BE-së edhe me 6 vendet e Ballkanit Perëndimor.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.