Bill Gates pranon: Gabimi im më i madh është që nuk arrita të mposhtja Android
Bashkëthemeluesi i gjigantit Redmond pranon se nuk arriti dot ta shndërronte Microsoft-Mobile atë që është tani sistemi i Google. Pendimi më i madh i jetës së Bill Gates është dështimi për ta bërë Microsoft të aftë për të ndërtuar një platformë mobile që do të ishte një alternative e vlefshme e iPhone-it të Apple. Çka do të thotë se ai nuk arriti të ishte në gjendje të parashikonte lëvizjet e Google me krijesën e tij më të çmuar, Android.
Ai tregoi, gjatë një eventi të financuar nga kompania e tij, se si në fillim të karrierës si menaxher i vjetër ai preferoi të sakrifikojë familjen, pushimet dhe fundjavat në favor të shoqërisë dhe softuerëve të reja që do të zhvilloheshin, derisa arriti të pranonte dhe gabimin më të madh të jetës së tij.
Në ‘mea culpa’ e tij personale, Gates nuk gjen justifikime ose nuk shkarkon përgjegjësi tek të tjerët, pasi ai pranon pa problem që ai vetë është përgjegjës për mos kontrollimin e duhur të një faze shumë të rëndësishme të evolucionit të teknologjisë moderne, edhe pse kishte të gjitha dijet dhe mbështetjen që Microsoft të bëhej si Google. Në mënyrë të veçantë, zhvillimin e një platforme standarde Android ose ndryshe “platformë standarde për telefonat mobil jo Apple”, siç përcaktohet nga filantropist tani.
Gates shpjegon pse, duke konfirmuar se tani është tepër vonë për të rikuperuar: “Ka vetëm hapësirë për dy sisteme operative dhe saktësisht një jo-Apple. Sa vlen? 400 miliardë dollarë që do të transferoheshin nga ndërmarrja G (ose Google, ed) në kompaninë M (Microsoft, ed) “.
Bill nuk ka kursyer asnjë vetë-kritikë: “Ishte gabimi më i madh i të gjitha kohërave, ky menaxhim i keq në të cilin isha i përfshirë dhe kjo bëri që Microsoft të mos bëhej ai që është tani Android. Do të ishte e natyrshme që Microsoft të ishte një fitues “. Me pak fjalë, nuk ka gabime teknike, por gabime në vendimmarrje dhe në angazhimin për të formuar një anti-iPhone.
Për më tepër, Android është sistemi operativ i instaluar në smartphone-in personal (të panjohur) të vetë Gates, i cili sidoqoftë është i tej mbushur me softuer të Microsoft. (Wired)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.