Bisedimet për anëtarësimin në BE, Ministri Jashtëm Gjerman, MAAS: Politika të çojë përpara reformat
Qershori i vitit 2019 nuk do të thotë se do të sjellë çelje automatike të negociatave për anëtarësimin e Shqipërisë në BE.
Kështu ka deklaruar Ministri i Jashtëm Gjerman Heiko Maas, gjatë konferencës së përbashkët për shtyp të zhvilluar pas takimit me ministrin e Jashtëm Shqiptar, Ditmir Bushati.
Gjatë fjalës së tij, Bushati u shpreh optimist duke theksuar përpjekjet e Shqipërisë për realizimin e reformave të ndërmarra për këtë proces
“Në qershor të këtij viti u mor një vendim në kuadër të BE-së orientues përsa i përket fillimit të mundshëm të anëtarësimit me Shqipërinë në 2019. Është një vendim që tregon gjithashtu vlerësim për reformat që janë ndërmarrë në vitet e fundit në Shqipëri dhe mendoj që ka qenë vërtet një angazhim mjaft energjik politik. Në të njëjtën kohë siç e dimë, shtetet anëtare të BE e kanë bërë të qartë se qershori i vitit të ardhshëm nuk do të jetë një automatizëm sa i takon çeljes se bisedimeve të anëtarësimit kriteret janë të qarta për të arritur rezultate të tjera”.
Me tej Ministri i Jashtëm Gjerman takoi dhe kryeministrin Edi Rama. Gjatë konferencës së përbashkët për shtyp, Rama shprehu mirënjohjen për shtetin gjerman, duke kërkuar mbështetje në rrugëtimin e Shqipërisë drejtë BE
Ministri i jashtëm i Gjermanisë, Heiko Maas, gjatë vizitës së tij në Tiranë, zhvilloi një takim edhe me kreun e Partisë Demokratike Lulzim Basha.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.