Bitcoin nuk ndalet – Arrin rekord të ri, shumë pranë 10 mijë USD

Lëvizja vertikale e Bitcoin të hënën shënoi një rekord të ri të lartë, vetëm disa për qind larg 10 mijë dollarëve.

Monedha digjitale ka parë rritje të dhjetëfishtë të vlerës së saj që nga fillimi i vitit dhe ka dyfishuar vlerën që nga fillimi i tetorit.

Bitcoin u rrit me 4.5 për qind brenda ditës së hënë për t’u tregtuar në 9.687 dollarë në shkëmbimin Bitstamp, me bazë në Luksemburg.

Çmimi i Bitcoin është ndihmuar gjatë muajve të fundit nga njoftimi se bursa më e madhe në botë e kontratave futures, CME, po planifikon të listojë kontrata “futures” të Bitcoin. Kjo është parashikuar të ndodhë në javën e dytë të Dhjetorit.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.