‘Bitcoin’, revolucioni dhe rreziqet e monedhave virtuale! Arsild Latifi, ekspert i shkencave kompjuterike shpjegon për “SCAN Magazine”
Parashikimi i tij është që “çmimi” i monedhave virtuale do të jetë në rritje, dhe kur flitet për këtë temë Bitcoin është lider i ‘crypto monedhave’, që udhëheq një treg të tërë. Arsild Latifi, ekspert i shkencave kompjuterike, në një intervistë për SCAN magazine flet për tendencat nëkëtëtreg dhe për lidhjet e tij me botën e IT e vecanërisht me atëtë monedhave virtuale. Këshilla e tij: Ja vlen të investosh në këtë treg nërritje.
Është bërë trend të ndjekësh teknologjinë, pra shkencat kompjuterike. A ja vlen një gjë e tillë në aspektin e punësimit, pse jo edhe të vetëpunësimit?
Shkencat kompjuterike të aplikuara janë një degë në të cilën ka vend për të gjithë. IT është e pranishme në mjekësi, ndërtim, industritë e rënda. Kjo do të thotë që një IT mund të punojë atje ku e gjen veten më mirë.
Secili prej nesh, i diplomuar në IT, shkenca kompjuterike apo teknologji informacioni, mund të profilizohet në secilën prej degëve të industrisë, duke përshtatur në praktikë njohuritë teorike të marra gjatë studimeve. Punësimi i një të diplomuari në IT është gjithmonë e më tepër çështje zgjedhjeje dhe jo zgjidhjeje.
Pra, kërkesa për elementë të diplomuar në këtë fushë vijon e rritet dhe niveli i shpërblimeve dhe pagave në sektorë të ndryshëm, dikton natyrisht edhe profilizimin e të sapo diplomuarve. Sot, gjithnjë e më tepër, çdo sipërmarrje e ka kuptuar rolin dhe rëndësinë e IT në zhvillimin e biznesit, ndaj IT është bërë pjesë integrale e çdo biznesi, duke filluar nga më i vogli, deri tek korporatat e mëdha.
Ju tashmë keni zgjedhur shkencat kompjuterike. Përse e patë veten në këtë fushë? Cila është përvoja juaj?
Në mijëvjeçarin që jetojmë, individët kërkues tek vetvetja, kanë hapësira të pamata për ta zhvilluar veten në këtë fushë, ashtu siç kishin 100 vite me parë në fizikë, kimi apo matematikë shkencëtarët e fillim shekullit të kaluar.
Kjo ishte përgjithësisht nxitja ime për t’u orientuar në këtë fushë dhe për t’u thelluar gjatë studimeve të mia universitare. Sa i takon përvojës time që prej vitit 2015, jam pjesë e “Durrës Container Terminal”, shoqëri koncesionare e terminalit të kontejnerëve në Portin e Durrësit, shoqëri në të cilën kam patur mundësi të zhvilloj dhe aplikoj njohuritë e mia.
Konkretisht në këtë kompani kemi aplikuar dixhitalizimin total të operacioneve të përpunimit në terminalin e kontejnerëve. Aktualisht çdo proces pune është i dixhitalizuar dhe monitorohet si proces nëpërmjet ëeb apo mobile. Të gjitha proceset duke filluar nga planifikimi i terminalit, planifikimi i ngarkimit, shkarkimit dhe depozitimit në vendin e duhur të çdo kontejneri janë automatike.
Për t’i shërbyer sa më mirë kësaj pune kam ndjekur specilizimet e mëtejshme dhe trajnimet përkatëse në portet më të mëdha të botës si në Hollandë, Turqi etj. Por krahas profesionit të parë unë po ndjek pasionin tim atë që është tregu i monedhës virtuale, një trend botëror sot në fushën e financave.
Çmund të na thoni për të rejat e këtij tregu të kësaj bote virtuale që lidhet me financën e lartë, internet banking etj.?
Monedhat virtuale, ku ajo më kryesore është ‘Bitcoin’ bazohen në një teknologji te re, të cilën bota po e njeh vetëm vitet e fundit, blockchain, teknologji e cila, akoma kontrollohet nga shumë pak individë, por shumë shpejt do të zhvillohet në masë.
Personalisht mendoj se ‘Bitcoin’ dhe monedhat dixhitale në përgjithësi janë një revolucion dhe, si çdo revolucion i ndodhur në historinë e njerëzimit, do kërkojnë kohën e vet, kanë risqet e veta, kanë dëme apo pasoja për një palë dhe fitim për një palë tjetër.
Sa i sigurtë është një investim në Bitcoin?
Aktualisht, Bitcoin është shumë më i sigurt se shumë prej mënyrave të tjera të pagesave online, përfshirë ‘Paypal’ apo forma të tjera. Por mbeten akoma dyshimet dhe ka mosbesim nga fakti që Bitcoin vijon të jetë i kontrolluar nga individë privatë apo nga organizma shtetërorë dhe ndërkombëtare. A do të rregullohet në çdo shtet apo ndërkombëtarisht me ligje dhe rregulla të qarta – kjo është çështja.
Deri në atë kohë, luhatjet në vlerën e saj në treg janë normale dhe çdo investitor merr parasysh riskun. Kundrejt riskut të marrë, natyrisht priten edhe fitimet e duhura. Veçori e ‘Bitcoin’ është fakti që aktualisht është monedhë lehtësisht e tregtueshme, duke e bërë këmbyeshmërinë e saj në para fizike apo mall, një nga vlerat më të mëdha të saj.
Cili është parashikimi juaj për të ardhmen e Bitcoin, për vitin 2020 a mendoni se do të kemi një rritje të vlerës së saj?
Mendoj se çmimi do të rritet, por si çdo koncept monetarizimi, edhe Bitcoin ka konkurrentët e vet, pavarësisht se Bitcoin është lideri i ‘crypto monedhave’. Kjo do të thotë pak a shumë se nëse Bitcoin rritet, të gjitha monedhat e tjera rriten, nëse Bitcoin bie, të gjitha bien. Mendoj se në gjysmën e dytë të vitin 2020, Bitcoin do e kalojë vlerën e 15.000 eurove.
Pra nëse dikush ka dëshirë dhe mundësi financiare për të investuar në afatin e gjatë, Bitcoin është një nga mënyrat më të mira për të investuar, natyrisht, duke pritur kohën e duhur, për t’i këmbyer në momentin e duhur.
SCAN Magazine
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.