Bizneset, 99% të shërbimeve online – Fagu: Krijimi i QKB, rriti transparencën dhe thjeshtoi procedurat

Krijimi i një qendre të vetme për biznesin dy vite më përpara ka rezultuar me përfitim për bizneset në thjeshtimin e procedurave dhe  rritjen e transparencën. Ndërsa është mundësuar që sipërmarrja të marrë 99 për qind të shërbimeve online dhe vetëm çregjistrimi i bizneseve bëhet në sportele.

“Zhvillimi ekonomik është në vëmendje të veçantë të qeverisë gjermane. Ne e bëjmë këtë në zhvillimin rural, përmirësimin e klimës së biznesit, energji si dhe sektorë të tjerë.  Ky është aktiviteti i fundit i projektit  për hamonizimin e legjislacionit tregtar  dhe ekonomik me Asuqis e Be-së qe mbaron në Dhjetor dhe do fillojmë një tjetër fazë në fillim të vitit që vjen.” – Hans Jurgen Cassens, Drejtor i Giz në Shqipëri

Unifikimi i Qendrës Kombëtare të Regjistrimit dhe Qendrës Kombëtare të Licencimit në një portë të vetme shërbimesh që sot është Qendra Kombëtare e Biznesit është mundësuar përmes projektit të GIZ, i financuar nga qeveria gjermane.

Ndërsa Qendra Shqiptare për kërkime Ekonomike ACER ka realizuar një studim mbi performancën e QKB-së ku rezulton se niveli i kënaqësisë së bizneseve për shërbimet e ofruara është në masën 91 për qind nga 68 për qind që ka qenë vitin e kaluar.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.