Bizneset që vendosen nën monitorim të rreptë – Gripi i shpendëve/ Deda: Kontroll në subjektet me rrisk, apel konsumatorëve

Të gjitha subjektet që prodhojnë, ambalazhojnë dhe tregtojnë produkte dhe nënprodukte të shpendëve janë në fokus të kontrolleve të Autoritetit Kombëtar të Ushqimit, për të garantuar sigurinë maksimale tek konsumatorët. Në një intervistë për TV SCAN, Drejtoresha e AKU Jeta Deda sqaron se masat paraprake janë marrë që në muajin Janar, kur gipi i shpendëve ishte present në vendet fqinje dhe tashmë çdo subjekt me rrisk të lartë po i nënshtrohet kontrolleve periodike.

Drejtoresha e Autoritetit Kombëtar të Ushqimit bën me dije se deri më tani nuk është evidentuar asnjë rast problematik ndërsa ka një apel për bizneset dhe për konsumatorët.

Përhapja e shpejtë e gripit të shpendëve ka shqetësuar dhe stepur qytetarët lidhur me konsumin e mishit të pulës dhe të vezevë, megjithëse Ministria e Buqjësisë ka marrë masa për karantinimin e stabilimenteve të prekura dhe po monitoron në vijimësi situatën.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.