Biznesi ankohet për gjoba të qëllimshme/ SME Albania: ”Problem janë konkurrenca e pandershme dhe largimi i stafit”

Bizneset e vogla dhe të mesme në Shqipëri përballen me një sërë problematikash të cilat ndikojnë negativisht në veprimtarinë e tyre.  Referuar të dhënave të sondazhit të publikuar nga  Instituti Shqiptar i SME-ve,  “SME Albania”, për peridhën Janar-Shtator 2019, problematikat më të mëdha që listojnë bizneset kanë të bëjnë me kontrollet e tepërta nga shteti me objektiv për të gjetur gabime dhe për të vendosur gjoba; konkurrenca e pandershme, çmimet dhe infrastruktura, niveli i ulët i edukimit të tregut; largimi i popullatës dhe mungesë e theksuar stafi.

Gjithashtu si problematika listohen fakti që kualifikimi i punonjësve kërkon kohë të gjatë dhe ka kosto të lartë financiare, po ashtu dhe mungesa e fondeve për zhvillimin e teknologjisë në industritë përpunuese e prodhuese. Ndërsa sa i takon problematikave administrative me të cilat janë hasur, afro 25 për qind e sipërmarrjeve, shprehen se janë përballur me burokraci në shërbime, moskthim përgjigjeje brenda afati, problem me rimbursimin e TVSH-së si dhe aftësi të dobta në përgjigjet zyrtare nga administrata.

Elisabeta Dosku/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.