Biznesi në “Argument”: Si e parashikojmë ekonominë në vitin 2020. Këtë vit s’kemi paketë fiskale
Biznesi shpreh shqetësimin se nuk po konsultohet për ndryshimet ligjore në fushën fiskale. Përfaqësues të biznesit, të ftuar në “Argument” të gazetarit Enio Civici, evidentuan se ndryshe nga vitet e mëparshme, këtë vit nuk ka në proces diskutimi me ta një paketë fiskale.
“E kemi stërthënë që biznesi nuk ka qenë pjesë e diskutimeve për ndryshimet e politikave fiskale. Nëse vit pas viti nuk kemi pasur kohë të mjaftueshme, këtë vit nuk kemi një paketë fiskale për të trajtuar, që zakonisht fillon në mars e qershor vazhdon në gusht. E kemi kaluar gjysmën e shtatorit e duhej të kishim draftet e para” tha Mira Pogaçi nga Bashkimi Tregtar i Shqipërisë.
E sa i përket pritshmërisë për vitin 2020, përfaqësuesit e bizneseve dhe ekonomistët e pranishëm në studio u shprehen skeptikë se ai do të jetë më i mirë se 2019.
Sipas pedagogut Rezart Prifti, problemet ekonomike që ka vendi nuk mund të zgjidhen me aksione viti 2020 për ekonominë nuk do të sjellë zvarritje por thellim të problemeve ndërsa sipas pedagogut Olti Rrumbullaku ka pasur avancime në sektorë të ndryshëm të ekonomisë por që kanë nevojë për impulse. Ndërsa Arben Shkodra nga Bashkimi i Prodhuesve Shqiptarë tha se viti 2020 do të jetë një vit me problemet e vjetra për ekonominë.
SCAN
Posted by RADIO TELEVIZIONI SCAN on Thursday, September 19, 2019
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.