Blejnë më pak dhe vetëm online / COVID-19 ndryshon mënyrën se si të rinjtë e sotshëm shpenzojnë paratë
Koronavirus mund të prekë më pak të rinjtë, por ama por ndryshon më shumë mënyrën se si ato zgjedhin të shpenzojnë paratë e tyre.
Ata tashmë janë duke zvogëluar shpenzimet në rast se koronavirusi sjell një recesion ekonomik. Më saktë, 40% e të rinjve raportojnë të kenë ri-menduar shpenzime të caktuara. Përqindja është shumë me pakët në grupmoshat e tjera.
Duket se frika i ka pushtuar më shumë të rinjtë, që raportojnë se 39% e tyre kanë ndaluar blerjen fizike, por veprimet të gjitha i kryejnë online.
Kuptohet se shtimi i blerjeve online ka rritur gjithashtu përdorimin e shërbimeve të transportit postar, ku 30% e të rinjve të pyetur raportojnë se po përdorin këtë shërbim më shumë se kurdoherë tjetër.
Çudia në sjelljen monetare të të rinjve vjen kur përmendet transporti ajror, ku raportohet se shumë të rinj kanë filluar të blejnë bileta avioni për të udhëtuar në vende ku më përpara nuk e përballonin dot financiarisht. Biletat e avionit kanë ulur çmimet si masë për dëmin financiar që i shkakton koronavirus, dhe duket se shumë të rinj po e shfrytëzojnë këtë.
Edhe kur bëhet fjalë për të siguruar trajtimin dhe ekzaminimin e koronavirusit, shumë të rinj janë të shqetësuar. Më shumë se një e treta e tyre të siguruar në fonde shëndetësore, nuk janë të sigurt se mund të përballojnë kostot, sipas një studimi të Insight, dhe ata thonë se duhet të huazojnë para nga familja ose banka për ta përballuar atë.
D/B – SCAN
Burimi: BUSINESS INSIDER
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.