Blendi Klosi në PASSPORT: Turizmi nuk do të preket nga tërmeti, strukturat në Durrës të qëndrueshme

Ministri për Turizmin dhe Mjedisin Blendi Klosi, i ftuar në emisionin ‘PASSPORT’ të gazetarit Arber Hitaj në SCAN, tha se qeveria është dhuke marrë një sërë masash që termeti i nëntorit të mos ketë efekte negative mbi turizmin. Gjithashtu ministri Klosi sqaron se strukturat e hotelerisë në Durrës janë të qëndrueshme dhe nuk kanë problem.

“Hapat janë që kemi janë bashkëpunim më të madh me operatorët turistik biznesin. Gjithashtu po punojmë më shumë për promovimin e vendit. Çdo muaj kemi vendosur që të kemi nga një aktivitet ndërkombëtar për të promovuar turizmin kombëtar. Kemi të konfirmuar në javët që vijnë 2 konferenca të mëdha ndërkombëtare të operatorëve turistik gjerman dhe francez.

Në Maj do të kemi kongresin ndërkombëtar të operatorëve turistik frances, janë mbi 500 operatorë që do të marrin pjesë. Kongresi do të mbahet në Tiranë dhe më pas ata do të vizitojnë edhe Jugun e Shqipërisë.

Gjithashtu një masë tjetër është organizimi dhe mbështetja e shumë festivale ndërkombëtare me të rinj. Flasim për festivale ku marrin pjesë mijëra persona dhe shërben për një propmivim të jashtëzakonshëm të vendit.

Nëpërmjet këtyre festivale rinore ne do të promovojmë destinacione të veçanta në sidomos për të rinjtë, ku kalohet mirë dhe t’i kthejmë në pika të vërteta për ardhjen e tyre. Gjithashtu do t’i japim një vemendje të madhe turizmit të aventurës, ku do të organizojmë një takim të madh për ta promovuar sa më shumë ketë element të rëndësishëm për turizmin tonë.

Tërmeti nuk besoj se do të ketë impakt te turizmi, sepse edhe nga takimet dhe informacionet që unë kam, strukturat e turistike, hotelet në Durrës janë të qëndrueshme dhe po bëhet një punë e madhe që kjio fazë të kalojë pa probleme për këtë sektor mjaft të rëndësishëm që gjeneron shumë të ardhura për vendin” tha Klosi.

Klosi më tej thotë se pritet që numri i turistëve gjatë këtij viti, pritet të shënojë një tjetër rritje krahasuar me vitin e kaluar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.