Blerja e automjeteve për prefektët e qarqeve – Qeveria miraton shtesë fondi prej 39 milionë lekësh

Këshilli i ministrave ka miratuar sot vendimin për shtesë fondi në buxhetin e vitit 2018 për blerjen e automjeteve të reja të prefektëve të qarqeve.

Kështu sipas vendimit, buxhetit të Ministrisë së Brendshme i shtohet fondi prej 39 000 000 (tridhjetë e nëntë milionë) lekësh për blerje të automjeteve për prefektët e qarqeve.

Ky fond do të përballohet nga fondi rezervë i buxhetit të shtetit, ndërsa për zbatimin e këtij vendimi ngarkohen Ministria e Brendshme dhe Ministria e Financave dhe Ekonomisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.