Blerjet online – Nga përdorimi i kartave të kreditit te të dhënat personale, si të jeni të sigurt
Blerjet nëpërmjet internetit janë kthyer gjithnjë edhe me shumë në një trend ditët e sotme. Kjo për vetë faktin që jemi përballë një game të gjerë zgjedhjes dhe nga ana tjetër kursejmë kohë fizike.
Por në jo pak raste ndodh që njerëzit bëjnë blerjet e gabuara apo porositë nuk iu vijnë siç i kanë porositur. Dhe akoma më keq, bëhet pagesa, por blerja nuk vjen kurrë. Nëpërmjet një postimi Ministria e Brendshme publikon 12 rregulla të arta si të jemi të sigurt në blerjet online, të listuara si më poshtë:
1.Blini nga një burim i sigurt
Blini në adresa që janë të njohura ose I keni përdorur më parë dhe kontrolloni vlerësimet e bëra nga blerës të tjerë në këto adresa, siç është Amazon apo eBay.
- Sigurohuni që blerja mund të anulohet
Përpara se të jepni të dhënat e kartës tuaj për të bërë pagesën online, zbuloni si mund të anuloni këtë shërbim nëse e kryeni
- Shumë nga dyqanet online do t’ju kërkojnë të ruani detajet e blerjeve tuaja
Mendohuni dy herë përpara se të vendosni dhe sigurohuni që e keni kuptuar mirë rrezikun që kjo mund të sjellë
- Përdorimi i kartave për blerjet online
Shumica e kartave të kreditit kanë një politik të fortë të mbrojtjes së klientit. Nëse ju nuk merrni atë që keni porositur, kërkoni rimbursim
- Sigurohuni që të dhënat janë të siguruara siç duhet
Shikoni për simbolin e drynit në URL bar dhe përdorni protokollet e HTTPS dhe SSL kur lundroni në internet
- Gjithmonë ruani të gjitha dokumentet që lidhen me blerjet tuaja online
Ato mund të duhen për të vërtetuar kushtet dhe gjendjen e produktit të blerë ose të provojnë që ju keni paguar për një mall.
- Mos e bëni këtë
Nëse nuk jeni duke blerë një produkt ose shërbim, mos jepni të dhënat e kartës tuaj
- Kur bëni blerje për persona të tjerë
Mos jepni paradhënie. Nëse është e mundur rezervoni të drejtën për të marrë mallin përpara
- mos dërgoni para asnjërit që nuk njihni
Nëse dikush iu kërkon para online, mendohuni nëse do I jepnit të njëjtën shumë parash një të panjohuri në rrugë
- Kurrë mos dërgoni numrat e kartës, kodin pin ose asnjë informacion tjetër përmes email-it.
- Shmangni blerjet online në adresa që nuk kanë verifikim të plotë(visa/mastercard/secure code).
- Asnjëherë mos dërgoni të dhënat e kartës në një email të koduar
Disa dyqane online jashtë Europës mund të kërkojnë një kopje të kartës apo pasaportës me fax si një garanci.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.