Bllokimi i licencimeve për pajisjet mjekësore – Pr.ligji, prej 5 muajsh “fle” në Kuvend, Ruçi kërkon shqyrtim me procedurë të përshpejtuar
Pas 5 muajsh qëndrimi në sirtarët e Kuvendit, kryeparlamentari Gramoz Ruçi ka kërkuar shqyrtimin me procedurë të përshpejtuar të projektligjit “Për lejet dhe licencat”, që i hap rrugë licencimit të subjekteve që prodhojnë dhe tregtojnë me shumicë pajisje mjekësore. Ligji u depozitua nga qeveria në Kuvend, gjatë muajit dhjetor të vitit 2020, ndërkohë që në muajin shkurt ai u shqyrtua nga Komisioni parlamenat i Punës, Çështjeve Sociale dhe Shëndetësisë.
Në përfudnim të mbledhjes, kryetari i Komisionit të Shëndetësisië, kërkoi që drafti të shkonte sa më shpejt në seancë plenare për miratim, por pavarëissht kësaj, deri më tani nuk pati asnjë zhvillim. Ndërkaq, me vendimin e Ruçit, Komisioni për Ekonominë dhe Finanacat urdhërohet që të përmbyllë shqyrtimin në periudhën 28 maj-1 qershor 2021, ndërkohë që shqyrtimi në seancë plenare të bëhet në datën 03 qershor 2021. Ndryshimet ligjore parashikojnë listimin e këtij aktivteti te kategoritë që duhet t’i nënshtrohen procesit të licencimit.
Ndërkohë që, mungesa e tyre bllokon prej më shumë se një viti zbatimin e ligjit “Për pajisjet mjekësore”. Por teksa ky detyrim po merr zgjidhje, asgjesimi i pajsijeve mjekësore që shpesh herë janë të dëmshme për mjedisin dhe shëndetin nuk është rregulluar ende me ligj, ndonëse më herët përfaqësuesit e Ministrisë së Shëndetësisë ka deklaruar se aktualisht po punohet në këtë drejtim.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.