Bllokohen 3 pako me paundë britanikë në Portin e Durrësit! Policia: Ishin të padeklaruara e të fshehura në tavanin e makinës
Policia Kufitare në bashkëpunim me Doganën dhe Sektorin e Trafiqeve të Paligjshme në DVP Durrës i kanë bllokuar një shtetasi shqiptar 20 mijë e 300 paundë britanikë pasi nuk i kishte deklaruar në kufi gjatë hyrjes për në Shqipëri.
“Kontrolli i imtësishëm në kuadër të bashkëpunimit me Policinë italiane në Bari nëpërmjet Zyrës së Oficerit të Kontaktit të Policisë së Shtetit në Itali, për një mjet që dyshohej se ishin fshehur vlera monetare. Më datën 21.10.2018 është përzgjedhur për kontroll të imtësishëm shtetasi B.D, 40 vjeç lindur në Mat dhe rezident prej 7 vitesh në Londër Angli, i cili kishte mbëritur në Durrës me tragetin e linjës Bari- Durrës . Nga kontrolli personal në prani të doganës, shtetasit B. D. i’u gjetën 5300 paundë si dhe gjatë kontrollit të imtësishëm të mjetit, Policia gjeti të fshehura në tavanin e mjetit dhe 3 pako me vlera monetare 15.000 paundë britanikë” njofton policia.
Policia Kufitare ka bërë bllokimin e sasisë prej 20 mijë e 300 paundë britanikë ndërsa veprimet e mëtejshme po i kryen Drejtoria Vendore e Policisë Durrës për veprat penale “ Mosdeklarim të ardhurave në kufi” dhe “Pastrim të produkteve të veprës penale” .
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.